Sheekada askarta ayuu jeclaa in uu  ka sheekeeyo markasta,dhalinyarta dugsiga iyo goobaha lagu caweeyo ay isugu yimaadaana wuxu ku darsan jiray hadalo la xidhiidha arimahaasi isaga oo ka rajeynaaya in ay sidiisa oo kale u xiiseeyaan ama ku dhiirigeliyaan ka mid noqoshada bahweynta ciidanka,hase ahaate qaar badan oo asxaabtiisa ka mid ah ayaa ku odhan jiray ,Mataan sxb maxaad ku falaysaa askarinimo iyo dhibteeda,ma in dadku ku nacaan ayaad doonaysaa, mise inaad dhimato, mise cidd baad rabtaa in aad kaga aargoosato markaad sarkaal noqoto.yaa difaacaaya wadankeena,danaha bulshadana ilaalinaaya si dadku ukala nabadgalaan,ayuu weydiin jiray qaarkood marka doodu xoogeysato,hase ahaate kaftan runta la isugu sheegaayo oo ah diidmo ayey kala hortagi jireen,ma adiga ayaa ciidan wadan noqonaaya,ma adiga u eegba,bal itaalkaaga eeg qorigaba waad la dhaceysaaye iwm ayey ku duri jireen, jawaabaha isku midka ah iyo kooxda ka badan ee ka soo wada horjeedaase wax isbedel ah kumay abuurin jirin

Su,aasha ah maxaynu ku wajahnaa nolosha soo socota ama aynu u diyaarinaa ayaase mataan oo askarinimo raba iyo saaxibadiisa kaleba hortaalay oo inta badan ay isa su,aali jireen,qaarkood waxay odhan jireen mustaqbalka waxaan noqon doona, engineer,dhakhtar,ganacsade,macalin,wadaad diinta bara bulshada,garyaqaan,qareen iwm.cilmiyadaasi oo runtii ah kuwo abuura ama ka qeyb qaata sidii loo heli lahaa bulsho  horumar dhameystiren leh,mataan wuxu habeenkii marka uu guriga tago isweydiin jiray farqiga u dhaxeeya shaqooyinka kale iyo mida askarinimada,hase ahaate waxa markasta maskaxdiisu ku qancin jirtay in labadooduba ay yihiin shaqooyin aaney bulshadu ka maarmin oo loo bahan yahay,midkastaana kaalintiisa qaadanaayo.

Wuxu jeclaa maqlida heesta calanka iyo xornimada astaanta u ah,oo runtii qiiro gelinjirtay,wakhtiga dugsiga laga akhrinaayo heesaha la xidhiidha ilaalinta wadankana 

Waxa ku xoogaysan jiray hamiga uu u qabo shaqada ciidanimo.maalmaha dabaaldega xornimada iyo ciidamaadana runtii wuxu u bixi jiray oo uu tegi jiray goobaha la keenaayo ciidanka ama ay soo marayaan si uu arko.halkaasi oo uu ka soo korodhsan jiray khibrad iyo qiiro aanu hore u qabin,qof kasta oo bulshadeen ka mid ah waxa saaran waajib bulshadu ay ku leedahay noloshuna ay ka sugayso,askariga waajibkiisuna waa in uu naftiisa u bixiyo xisiloonida iyo sharafta wadankiisa,haddii qaar inagga horeyey u dhinteen naftoodana u hureen xoriyada aynu ku naalooneyno,mahadnaqeedu waa in aynu inaguna maanta la diyaarnahay nafaheena.qofkasta oo wadanka u dhashay wadankiisu waa sugayaa,anagga wuu soo dhamanayaa wakhtigayagii wadankiina dhalinyarooy idinka ayuu idinsugayaa ee fariintaana gaadhsiiya cidkasta oo aad aragtan.maalintayadii si fiican ayaanu idinku dhameyney,beritoolena idinka ayey idin sugaysaa.khudbad ay ku jireen erayadaasi sare ee waanada ahi, mid ka mid ah saraakiishuna u soo jeediyey bulshaweynta iyo cutubo ka tirsan ciidamada ayuu mataan si weyn  u soo dhageystay.

Nolosha qaaliga ah iyo xornimada macaan ee kujirta maxaa lagu iibsaday?maxaynuse u baahanahay si aynu xornimo buuxda u yeelano?naf huriduse miyaanay noqon Karin waxyar oo lagu kasbanaayo wax weyn.nafhuridase ma la odhan karaa waa tiir ka mid ah tiirarka geesinamada

La soco------

Abdifataah Mohamed ahmed

This e-mail address is being protected from spam bots, you need JavaScript enabled to view it