Iyadoo laga duulayo habsami u socoshada, iyo shaqo wanaaga loo hayo sidii loo horumarin lahaa, dhaqanka , suugaanta iyo hidda raaca somalida, ayaa ururka murtimaal oo u taagan, xoojinta, adkaynta, ilaalinta iyo daryeelka hiddaha iyo dhaqanka , ayaa waxa uu markasta jacel yahay inuu isku baddalo gudida  iyo adeegayaasha,

ururka murtimaal si mutadawcnimo ah, ayaa shir u socday baryahanba gudida oo inta badan qurbaha iyo gudaha ku sugan, ay go’aan ku gaadheen inay Sahra Maxamed Cali, oo loo yaqaanno Sahra Ladan,  u doorteen Gudoomiye Kuxigeenka  iyadoo ku sugan Caasimadda Gobolka togdheer, Wax kastoo  baxaya ama la qabanayo waxa ay ku baxayaan Saxeexa Sahra Ladan,  halka Mustafe Cabdikarin Cali oo loo yaqanno isna Mustafe future, ay u doorteen khasnajiga, iyo  soo diyaarinta maqaallada dhaqanka iyo hawlaha isku dubaridka xafladaha ururka  waxa kale oo mustafe uu masuul ka ahaanayaa inuu uga soo diro Hargeysa Maqaallada dhaqanka ,  Halka uu gudoomiye Kuxigeenkii Hore uu ahaanayo, gudida fulinta, oo ayna xubinimadiisa waxba iska badalayn,   Hadda waxii ka danbeeya annagoo kalsooni buuxda ka haysanna dhalinyarada iyo ururada dalka ka jiraba, waxan ogaysiinayaa in ay taas la socdaan, dhamaan dadwaynaha taageera ururka Murtimaal.  Ilaahayna waxaan uga baryeynaa inuu xilkaas u fududeeyo Sahra Ladan iyo Mustafe future.

Jamaal Maxamed Sh. Abiibakar,

Gudoomiyaha Bahda Murtimaal

Dublin Irland.